Leta pibliye yon anons pou veye siklòn lè gen yon menas siklòn ka rive nan lespas 48 èdtan.
- Suiv nouvèl lokal pou w kab tande rapò sou deplasman siklòn nan.
- Sèvi ak volè oubyen ak materyo pwoteksyon pou bouche fenèt ak pòt yo (tcheke www.flash.org pou plis enfòmasyon).
- Retcheke plan evakiyasyon w genyen an. Asire w wout ou chwazi pou w evakye a, moun kapab pase ladan n. Kèk wout ka fèmen oswa yo ka bloke.
- Fè sèvis nan machin ou epi plen tank lan gaz.
- Bagay ki nan lakou a ki pa byen tache, tankou mèb pou lakou, plant, bwat fatra, bwat resiklaj, bekàn ak jwèt, pote yo anndan kay la.
- Konsève dlo tiyo pou floche twalèt ak dlo pou fè netwayaj.
- Sere dokiman enpòtan nan bwat ki enpèmeyab.
- Tcheke pwovizyon ou genyen pou ijans epi mete atik ki nesesè yo nan depo, tankou medikaman doktè preskri ak atik pou moun ki gen bezwen espesyal.
- Vire bouton frijidè ak frizè lakay ou sou nimewo ki pi frèt la. Ouvè frijidè ak frizè a sèl lè ou gen bezwen, epi fèmen l tousuit.
- Deploge tout lòt ti aparèy.
- Mete yon ti kòb apa (gichè otomatik yo “ATM” ka pa mache).
- Mare bato w byen mare.
- Pa mete pil fatra deyò lè gen yon anons pou veye siklòn oubyen lè yo avèti siklòn.