- Y ap klete pon yo epi batiman pap ka pase apeprè twazè d tan edmi apre yo fin bay lòd pou tout moun evakye kite yon zòn oubyen depi gen van k ap vante a 40 mil a lè. Sa ka rive swa 23 èdtan oubyen plis pase sa anvan siklòn nan touche tè.
Pa janm ret sou batiman w pou w veye l.
- Wete tout bagay sou batiman an ki ka vole lè siklòn nan kòmanse. Menm ma batiman a vwal yo fò n desann yo tou.
- Fò n wete tout sa ki enpòtan abò bato a anvan siklòn nan rive, papye bato a, radyo san fil, ak lòt bagay enpòtan ou gen abò bato a. Ou pa janm konnen konbyen tan sa pral pran pou w kab al sou bato w la apre siklòn nan fin pase.
- Menm si ou fè plan davans, sa pa vle di bato w la pap gen anyen pandan siklòn nan men sa ka amelyore chans bato a pou l pa kraze pandan siklòn nan.
- Broward County gen yon plan yo rele Plan Flotila, se yon plan ki ede moun deplase bato yo anvan yo klete pon yo pou machin kab evakye. Si w bezwen plis detay sou plan sa a, tcheke sit wèb sa a:http://www.broward.org/Hurricane/AtoZ/Pages/BoatsBeforeEvent.aspx
- Ti batiman ki pa bezwen ret tann yo leve pon yo pou yo ka pase, pa bezwen ret tann rasanbleman Flotila a pou yo ale.
- Lè y ap fè anons sou siklòn nan, y ap fè moun ki gen bato yo konnen a ki lè pou yo vin aliyen bato yo nan Flotila a ak ki kote tout bato dwe reyini.
Si l fasil pou w mete batiman w lan sou yon trelè, pou w sere l yon kote, ki lwen kote gwo dlo ka anvayi, men sa w dwe fè:
- Si w oblije deplase bato w la, enspekte trelè ou pral mete l sou li a pou asire tout bagay anfòm ladan. Tcheke kawotchou yo (derechanj lan tou), angrenay nan wou yo, tcheke ba fè pou rale trelè a ak limyè nan dèyè trelè yo tou.
- Si ou kapab, al mete bato w la ak tout trelè a anndan yon remiz. Si w oblije kite bato a deyò, mare l nan yon pyebwa ki solid oubyen nan yon lank batiman ki antere nan tè.
- Si motè bato a bat pa deyò, plen bato a dlo tiyo epi bouche twou kote bato a jete dlo a (wete tout dlo ki nan bato a si motè a se pa anndan li ye). Mete kèk gwo moso planch ant bato a ak trelè a pou ba l yon ti sipò anplis ak pwa nou mete sou batiman an.
Si w pa kab wete bato w la nan dlo, ou gen twa chwa:
- KWOCHTE bato a sou yon waf ki gen poto ki solid epi ki kab pwoteje bato a kont lanmè a oubyen kont gwo lam lanmè lè gen siklòn. Double tout kòd ki mare bato a sou waf la, men mare bato a yon ti jan lach pou bato a ka monte ansanm ak dlo a lè dlo a monte. Kouvri tout kòd yo ak pwoteksyon an kawotchou (ou ka sèvi ak po tiyo kawotchou ki koupe sou yon bò epi double l) pou w kouvri kote kòd la ap fwote ak lòt bagay, kote kòd la ka pi vit kase (plis pwoteksyon ou mete sou kòd la plis li pi bon).
- MOUYE bato a nan yon pò ki ka bare van byen epi kote lank bato a ka byen kwochte atè anba lanmè a. Avantaj ki genyen lè ou mouye bato a nan fon lanmè a, li ka pi fasil balanse ak van an oubyen balanse sou dlo a lè dlo a ap monte desann san l pa frape sou yon waf oubyen frape lòt batiman. Fò w gen lank ki lou epi fò w gen plizyè lank pou bato a epi fò kòd yo long ase pou chak lank yo.
- KOTE BATO KA KACHE POU SIKLÒN se pi bon kote pou w ta mete batiman w lè gen yon siklòn. Kote sa yo se kote ki fèmen epi ki gen anpil pyebwa solid ki ka bloke van an epi kote ou ka mare bato a byen mare. Pi bon kote pou bato kache pou siklòn se yon kote ki lwen anndan tè kote bato a ka evite pi gwo van siklòn nan ak gran vag lanmè a, epi se yon kote ki pa twò lwen pou al la sizoka ou ta gen pou w al la tousuit. Li ta bon si w ta kòmanse chèche yon kote bato ka kache pou siklòn, davans!
Plan Flotila Broward County
Premye faz
- Biwo Cherif ki fè patwouy sou lanmè nan Broward County ap avèti tout mèt batiman ki patisipe nan Flotila a pou fè yo konnen pou yo fè preparasyon pou Premye faz la.
- Ofisye k ap fè patwouy sou lanmè yo ap tcheke si pa gen okenn danje sou dlo a (tankou gwo badj kon sa) epi y ap chèche konnen ki moun ki mèt yo pou fè deplase yo oubyen pou yo mete yo yon kote ki an sekirite.
- Fò tout mèt bato fè plen tank gaz bato yo anvan yo deplase bato a al mete l nan yon kote ki an sekirite, epi yo dwe sere tout ekipman ki sou pon bato a.
Faz 2
- Biwo Cherif ki fè patwouy sou lanmè nan Broward County ap avèti tout mèt batiman ki patisipe nan Flotila a pou fè yo konnen pou yo fè preparasyon pou Faz 2 epi y ap sispann aktivite Flotila a 3 èd tan edmi apre yo fin fè Anons pou tout moun evakye.
- Polis ki fè patwouy sou lanmè nan Broward County yo ap kòmanse aktivite yo nan pwent nò ak pwent sid rivyè ki rele “New River” a pou yo ede fòme kolonn bato a (Flotila a) epi y ap sipèvize aktivite yo tou.
- Y ap fòme kolonn bato yo – nan zòn nò “New River” nan zòn “Bahia Mar” la ak nan sid “ New River” nan zòn “Pier 66” la.
- Biwo Cherif ki fè patwouy sou lanmè nan Broward County ap voye ofisye sou wout I-95 ki pase sou dlo “New River” a pou voye je sou kolonn batiman an ki prale nan direksyon wès.
- Lamarin nan Eta Florid la ap sou stennbay. Se Eta Florid la k ap otorize Lamarin nan eta florid la pou al ede atravè Biwo Santral pou ka ijan yo.
- Y ap voye Ti bato Gadkòt Etazini U.S. pou dirije batiman ki vle antre nan ran batiman an Ap gen batiman Gadkòt nòmal k ap la tou pare pou yo bay kout men si yo ta bezwen yo.
- Se Biwo santral dispatch nan Fort Lauderdale la oubyen Biwo Santral ki dirije trafik sou lanmè a k ap reskonsab kominike ak anplwaye sou pon yo.
- Pandan flotila a ap mache, si yon bato ta pran pàn, y ap remoke bato sa a pou l pa bloke rivyè a. Biwo Santral lamarin k ap fè patwouy la (Marine Command Patrol) ap fè rapò sou bato ki pran pàn nan.
- Kou Kòmandan Lamarin k ap fè patwouy la remake gen ase batiman ki an ran, l ap bay siyal pou fè yo kòmanse deplase sou rivyè a. Pa gen okenn orè espesyal pou gwoup batiman yo (Flotila a) kòmanse deplase.
Fen Flotila a
- Y ap kanpe tout aktivite Flotila a 3 èd tan edmi apre yo fè anons pou tout moun evakye a. Kon sa y ap ka klete tout pon yo pou machin ka pase.
- Cherif ki fè patwouy lamarin nan Broward County ap mete tout moun ki patisipe nan aktivite Flotila a ki lè yo dwe sispann tout aktivite yo.
- Biwo Santral ki reskonsab pou aktivite ijan nan Broward County ap kontakte Gadkòt pou mande l fè bese tout pon yo epi klete yo.
- Biwo Patwouy maritim yo ap kontinye fè patwouy jiskaske van siklòn fè yo antre al pare move tan an.
Si w gen bato nan Broward County epi ou bezwen plis ransèyman sou planifikasyon pou w fè lè gen siklòn ale sou sit wèb sa a: http://www.broward.org/Hurricane/AtoZ/Pages/BoatsBeforeEvent.aspx.